علی آقا  واحد

کــیمده واردیــر گوزلیــم سنده اولان  جــاذبه لــر

سنــه دنیا ده مگــر، عاشــق اولان دا  غــم ائلـــر

بســـدیر اولدورمه یه جکـــسن، گوزلیـم دنـیانـــی

هراوزی گویچــک اولاندا، بوقـــدرچم خم ائلــــر؟

اینجیـمه گوزیاشیم،آخسا سنی گوردوکده گولــــوم

گول گوروکـدوکده، بهارفصلی- بولوت شبنم ائلــر

نازوغمـزه ن یئـریشـین، شوخ باخیشین، عالمــدیر

بیـرده  زولفــون اوزه توکسن اودا  بیر عالم ائــلر

حـیـف ســن  گزمه  یاراشماز سنه  بیگانه  ایلـــه

او آچـیب سریـنی دنــیا یه  سنی، محرم  ائــــــلر

"واحدم" عمریمی من عشـقـله صرف ائـیله میشم

عــشق یا ئولدوره ر، آخــــر منی  یا، آدم ائلــــر

ایکی   قاشیــن   آراسی       اوره   گیمین   یاراسی

عشق اودونا   یانماسین       هئچ    آنانین    بالاسی

                           *  *  *

آغــلارام   باشیم   گئدر        دورسام یولداشیم گئدر

گئچ مرم گوزل یاردان          بولسم کی باشیم  گئدر

                         *   *   *

آی  گــئدی باتان   یره           اوغرولار  یاتان  یره

سینه می نشان قویـیــام           یار اوخون  آتان  یره